Ég er svekktur að hafa ekki unnið leikinn. Markmaðurinn hjá Leikni hélt þeim algjörlega inní leiknum. Það hefði breytt leiknum að ná inn marki í fyrri hálfleik en við náum ekki að skora og svona er þetta.
Lestu um leikinn: Leiknir R. 0 - 0 ÍA
Leiknismenn féllu aftar á völlinn í seinni hálfleik og við náum ekki að opna þá nógu mikið. Markmaðurinn hjá Leikni á að sama skapi nokkrar góðar vörslur.
Við erum ekki að ná að skora mörk því lið falla djúpt niður á móti okkur en það er okkar að ná að vinna úr því.
Aðspurður útí sögusagnir um að Jeppe Hansen væri á leiðinni sagði Jói:
Það er alltaf mikið talað þegar glugginn er opinn og ég held að það breytist ekkert.
Það er ekki kominn skjálfti uppá skaga. Við vissum það að þessi deild er mjög erfið. Við ætlum okkur upp og það er enginn sjálfti í okkur.
Athugasemdir