Liverpool ætti að geta gert góða hluti þó Salah meiðist.
Jurgen Klopp hefur verið önnum kafinn á leikmannamarkaðinum í sumar og er þegar búinn að styrkja leikmannahóp Liverpool umtalsvert.
Markvörðurinn Alisson Becker verður kynntur á næstu dögum og kostar félagið um 67 milljónir punda. Hann verður þar með dýrasti markvörður sögunnar.
Virgil van Dijk varð dýrasti varnarmaður sögunnar þegar Liverpool keypti hann í janúar. Þá kostuðu Naby Keita og Fabinho einnig væna fúlgu fjárs en þeir eiga að bæta miðjuna.
Xherdan Shaqiri var svo fenginn á frábæru verði á dögunum og getur reynst afar mikilvægur skyldu Mohamed Salah eða Sadio Mane meiðast.
Hér fyrir neðan er hægt að sjá mögulegt byrjunarlið Liverpool ásamt varamönnum, en á myndinni vantar Alex Oxlade-Chamberlain, sem verður frá stærstan hluta tímabilsins, og fyrirliðann Jordan Henderson.
Þá vantar einnig Divock Origi, Danny Ings og Lazar Markovic á myndina.
Liverpool's 2018-19 depth chart 🔴🔴🔴🔴🔴 pic.twitter.com/YA8BDLnrFR
— 101 Great Goals (@101greatgoals) July 19, 2018
Athugasemdir
