FH gerði 0-0 jafntefli við Lahiti í Kaplakrika í kvöld eftir að hafa unnið úti í Finnlandi 0-3. FH er því komið áfram í 2. umferð forkeppni Evrópudeildarinnar þar sem þeir mæta Apoel Haifa. Ólafur Kristjánsson þjálfari FH var að vonum sáttur með að vera kominn áfram svona þægilega.
Lestu um leikinn: FH 0 - 0 Lahti
„Mér fannst við byrja ögn passívír, Finnarnir breyttu um uppstillingu frá síðasta leik, þegar við náðum tökum á því þá vorum við að fá tækifæri til að skora mark. Yfir tvo leiki er ég ánægður að fara áfram 3-0"
Óli sagði að nú væri einbeitingin á Pepsí-deildinni þar sem þeir mæta Breiðablik á sunnudaginn í mikilvægum leik.
„Mér lýst vel á það, við setjum mannskap í að fara yfir það en við einbeitum okkur núna að Blika leiknum á sunnudaginn. Ég ætla ekkert að segja ef þetta og ef hitt, til þess að okkar gangi eftir verðum við að spila vel og vinna leikinn. Við förum í alla leiki til að vinna."
Cedric D'Ulvio er nálægt því að vera leikfær sem og Atli Viðar Björnsson en Ólafur segir að lengra sé í Bjarna Þór Viðarsson.
„Cedric er búinn að vera æfa með okkur og styttist í að hann fari að spila en það er lengra í Bjarna. Svo er Atli Viðar að glíma við smá hnjask í læri, annars er leikmannahópurinn í nokkuð góðu standi."
Geoffrey Castillion hefur mikið verið orðaður við brottför í glugganum en Ólafur segist vonast til að enginn leikmaður yfirgefi félagið og segir jafnframt að þeir ætli að reyna að halda Viðari Ara Jónssyni út tímabilið.
„Ég hef ekki heyrt um það, ég vona að það sé enginn að fara. Það er verið að vinna í þeim málum að halda Viðari út tímabilið."
Athugasemdir