Ronaldinho er einn besti fótboltamaður sem spilað hefur leikinn. Brasilíumaðurinn var engum líkur inn á vellinum.
Ronaldinho, sem gerði garðinn frægann með Barcelona og brasilíska landsliðinu, lagði skóna á hilluna á síðasta ári en gæti nú mögulega verið að taka þá aftur fram.
Samkvæmt Times Of Malta þá er Ronaldinho í viðræðum við Birkirkara þar í landi.
„Ég get staðfest að það er möguleiki á að Ronaldinho skrifi undir hjá Birkirkara," sagði Michael Valenzia, sem starfar hjá félaginu, við Times Of Malta.
Viðræður eru í gangi og spurning hvað gerist. Ronaldinho er orðinn 39 ára gamall.
Athugasemdir