Rubin birti mynd á Twitter í dag þar sem er sagt frá því að Viðar sé byrjaður að æfa með liðinu og frekari upplýsinga sé að vænta.

Viðar Örn er fæddur árið 1990 og uppalinn á Selfossi en hann hefur undanfarna mánuði verið á láni frá Rostov hjá sænska liðinu Hammarby. Hann gerði 7 mörk í 15 leikjum fyrir Hammarby.

Við greindum frá því á mánudag að Viðar væri á leið til Rubin Kazan. Hann verður lánaður þangað.

Viðar hefur spilað 21 landsleik og gert 3 mörk fyrir íslenska landsliðið.

Rubin Kazan hafnaði í 11. sæti rússnesku úrvalsdeildarinnar á síðasta tímabili. Í fyrsta leik sínum á þessu tímabili gerði liðið 1-1 jafntefli gegn Lokomotiv Moskvu.

Нападающий Видар Кьяртанссон приступил к тренировкам с нашей командой! 🙌🏻
⠀
Более подробную информацию мы сообщим позднее 🔜 pic.twitter.com/y3oFUBxS0Y

— «Рубин» Казань (@fcrk) July 19, 2019