Sindri fór með sigur af hólmi er liðið mætti Fram á heimavelli í 2. deild kvenna í dag.

Guðrún Ása Aðalsteinsdóttir kom Sindra í 1-0 og Samira Suleman tvöfaldaði forystuna rétt fyrir leikhlé.

Samira var aftur á ferðinni snemma í seinni hálfleiknum og þar við sat. Þetta eru fyrstu mörk Samiru í sumar og gott fyrir hana að vera komin á blað.

Það er ekki bara hún sem er komin á blað því þetta eru fyrstu stig Sindra í sumar. Liðið er núna komið af botni deildarinnar og upp í það sjöunda með þrjú stig. Fram er á botni deildarinnar með eitt stig eftir fimm leiki.