Selfoss er komið aftur á sigurbraut í Pepsi Max-deild kvenna eftir að hafa gert jafntefli við Þrótt í síðustu umferð.

Selfoss tók á móti Þór/KA en leikurinn byrjaði ekki vel fyrir heimakonur þar sem María Catharina Ólafsd. Gros skoraði á 21. mínútu fyrir Þór/KA eftir magnaða sendingu frá Margréti Árnadóttur.

Dagný Brynjarsdóttir fékk tækifæri til að jafna fimm mínútum síðar af vítapunktinum en Harpa Jóhannsdóttir varði spyrnu hennar. Staðan í hálfleik var 1-0.

Það var greinilega vel farið yfir málin í hálfleik hjá Selfoss því voru búnar að snúa við taflinu eftir 12 mínútur í seinni hálfleik. Magdalena Anna Reimus jafnaði og kom Tiffany Janea McCarty Selfossi yfir á 57. mínútu.

Selfyssingar voru líklegri til að bæta við en Þór/KA að jafna og lokatölur 2-1 fyrir heimakonur sem fara upp fyrir Fylki í þriðja sæti deildarinnar með tíu stig. Þór/KA er áfram í fimmta sæti með sex stig.

Sjá einnig:
Bara konur í dómarateyminu á Selfoss - Þór/KA