Ante Rebic, sóknarmaður AC Milan, er ekki hrifinn af leikstíl kollega sinna hjá Ítalíumeisturum Juventus.
Hann gagnrýnir þá Federico Bernardeschi og Gonzalo Higuain í viðtali við Sportweek.
„Það eru tvær gerðir af Rebic," segir hann. „Utan vallar er ég rólegur og hlédrægur. Innan vallar breytist ég í annan mann. Í leiknum gegn Juventus (sem Milan vann 4-2) sagði ég eitt við Higuain."
„Ég er ekki aðdáandi leikmanna eins og hans, sem eru stórir og sterkir en liggja svo í jörðinni í þrjár mínútur í hvert skipti sem þeir eru snertir. Það sama á við um Bernardeschi."
„Það er mikið brotið á Ibra en hann stendur alltaf upp og heldur áfram. Aðrir gráta of mikið."
Athugasemdir