„Chelsea fékk 48 klukkstundum meira til að undirbúa sig fyrir leikinn. Það er staðreynd en engin afsökun. Ég er ekki með neinar afsakanir. Við vildum frekar spila þennan undanúrslitaleik heldur en að gera það ekki."

David de Gea fær mikla gagnrýni á sig fyrir frammistöðu sína í þessum leik.

„Ég get talað um sjálfstraust hans en ég veit að hann er sterkur andlega. Hann veit að hann á að verja þetta (annað markið) 100 sinnum í 100 tilraunum. Svona er fótboltinn. Ég ákvað að byrja með hann í dag og andlega var hann tilbúinn fyrir það."

Manchester United er í harðri Meistaradeildarbaráttu og það er enginn tími til að dvelja við þetta tap. „Við eigum tvo leiki í þessari viku og svo spilum við í Evrópudeildinni. Við verðum tilbúnir."

Eric Bailly fór meiddur af velli með höfuðhögg en Solskjær segir að það verði vonandi allt í lagi með miðvörðinn sem fór á sjúkrahús.