Tottenham er í sjötta sætinu eins og er, en sjöunda sæti mun einungis gefa Evrópudeildarsæti ef Arsenal vinnur ekki ensku bikarkeppninna. Skytturrnar komust í úrslitaleikinn með sigri í gær.

Tapið er slæmt fyrir Leicester því liðið er nú með sömu markatölu og Manchester United í baráttunni um Meistaradeildarsæti. Man Utd er með jafnmörg stig og Leicester en liðið á leik til góða.

Tölfræðin úr leiknum í dag er mjög athyglisverð. Leicester átti 24 marktilraunir gegn sjö tilraunum hjá Tottenham og voru gestirnir tæplega 71 prósent með boltann. Samt töpuðu þeir 3-0.

Opta bendir á að Tottenham hafi aldrei verið minna með boltann í ensku úrvalsdeildinni á heimavelli frá því að mælingar hófust 2003/04. Síðast þegar Spurs var svona lítið með boltann var árið 2012 í leik gegn Man Utd, þá var liðið 26 prósent með boltann.

Þetta sýnir það bara að þú færð ekki þrjú stig fyrir það að vera með miklu meira með boltann.