Kormákur/Hvöt tók á móti KFA í eina leik dagsins í 2. deild karla og tóku heimamenn forystuna snemma leiks, þegar Ismael Sidibe skoraði á tíundu mínútu.

Skömmu síðar fékk Jacques Bayo Mben að líta beint rautt spjald í liði gestanna en tíu leikmönnum KFA tókst að jafna metin á 36. mínútu.

Eftir það sáu Austfirðingar aldrei til sólar. Kristinn Bjarni Andrason tók forystuna aftur fyrir heimamenn í Húnaþingi áður en Goran Potkozarac tvöfaldaði forskotið í síðari hálfleik.

Kristinn BJarni bætti öðru marki sínu við til að breyta stöðunni í 4-1 áður en Abdelhadi Khalok setti fimmta og síðasta mark heimamanna, svo lokatölur urðu 5-1.

Stórsigur staðreynd og fara Húnvetningar uppfyrir KFA á stöðutöflunni með þessum sigri.

Kormákur/Hvöt er núna með 18 stig eftir 13 umferðir, einu stigi meira heldur en KFA.

Húnvetningar eru fimm stigum frá baráttu um sæti í Lengjudeildinni og níu stigum fyrir ofan fallsvæðið.

Kormákur/Hvöt Simon Zupancic (m), Sigurður Pétur Stefánsson, Papa Diounkou Tecagne (84'), Dominic Louis Furness (72'), Helistano Ciro Manga, Kristinn Bjarni Andrason, Jón Gísli Stefánsson, Sigurður Bjarni Aadnegard (67'), Moussa Ismael Sidibe Brou, Goran Potkozarac (84'), Abdelhadi Khalok El Bouzarrari
Varamenn Indriði Ketilsson (67'), Matheus Bettio Gotler, Haukur Ingi Ólafsson (72'), Arnór Ágúst Sindrason (84'), Stefán Freyr Jónsson (84')

KFA Danny El-Hage (m), Heiðar Snær Ragnarsson (78'), Geir Sigurbjörn Ómarsson, Eggert Gunnþór Jónsson, Imanol Vergara Gonzalez (67'), Birkir Ingi Óskarsson, Nikola Kristinn Stojanovic (59'), Jacques Bayo Mben, Þór Sigurjónsson, Jawed Abd El Resak Boumeddane (78'), Hrafn Guðmundsson (59')
Varamenn Marteinn Már Sverrisson (67), Ólafur Bernharð Hallgrímsson, Unnar Ari Hansson (59), Arnar Bjarki Björgvinsson (78), Javier Montserrat Munoz (59), Nenni Þór Guðmundsson (78), Milan Jelovac (m)