90 milljónir evra samsvara 78 milljónum punda, eða rétt tæpum 13 milljörðum íslenskra króna.
Englandsmeistarar Liverpool eru búnir að leggja fram nýtt tilboð í franska framherjann Hugo Ekitike. Sky Sports greinir frá.
Nýtt tilboð hljóðar upp á 80 milljónir evra með 10 milljónir aukalega í árangurstengdar aukagreiðslur. Heildarupphæðin nemur því 90 milljónum, en talið er að Frankfurt vilji fá 100 milljónir í heildina.
Félögin eiga einnig eftir að komast að samkomulagi um greiðsludreifingu.
Liverpool leggur fram þetta tilboð eftir tvo sólarhringa við samningaborðið.
Ekitike er mjög spenntur fyrir að spila í ensku úrvalsdeildinni en Newcastle United reyndi einnig að kaupa hann fyrr í sumar, en Frankfurt hafnaði tilboði félagsins sem ákvað í kjölfarið að snúa sér að öðrum skotmörkum.
Framherjinn er búinn að gefa grænt ljós á sex ára samning hjá Liverpool.
Athugasemdir
