Hólmar Örn Eyjólfsson er mikilvægur hlekkur í hjarta varnarinnar hjá Levski Sofia í búlgarska boltanum.

Levski fékk nágranna sína Septemvri Sofia í heimsókn í dag og vann góðan 2-0 sigur þökk sé mörkum frá Davide Mariani og Stanislav Kostov í fyrri hálfleik.

Levski er á toppi deildarinnar, með 13 stig eftir 5 umferðir, en CSKA Sofia kemur í öðru sæti. CSKA er einu stigi á eftir og á leik til góða síðar í dag, á útivelli gegn sterku liði Ludogorets.