Lestu um leikinn: Grindavík 2 -  2 Stjarnan

„Ég er ótrúlega vonsvikinn að við skulum ekki hafa farið betur með tækifærin sem við fengum í þessum leik," sagði Óli Stefán sem var virkilega pirraður eða réttara sagt, brjálaður á hliðarlínunni í aðdraganda marks númer tvö hjá Stjörnunni þegar Grindvíkingar misstu boltann í frábæru tækifæri sjálfir til að komast yfir í leiknum í sókninni á undan.

„Við erum í þeirri stöðu að við þurfum að nota þessi tækifæri. Við höfum unnið og undirbúið okkur mikið fyrir það að klára þessi tækifæri. Við erum að spila við mjög gott lið og þessi tækifæri verðum við að nýta til að ná í sigra úr þessum leikjum. Ég er afskaplega óánægður að sigra ekki í dag."

Will Daniels jafnaði síðan metin fyrir Grindavík á 90. mínútu.

„Ég er ánægður með innkomuna hjá Will Daniels. Ég setti hann inn til að skora, reyndar sigurmark en hann kom svo sannarlega til bjargar og kláraði eina af þessum mörgum færum sem við fengum."

„Við undirbjuggum okkur ótrúlega vel í þessari viku og við ætluðum okkur að vinna þennan leik. Það var ekkert annað í okkar undirbúningi en sigur hér í dag. Við virkilega trúðum á það. Ég smalaði strákunum saman inn í klefa eftir leik og spurði þá þessara spurningar: Trúi þið því núna að þið séuð nógu góðir, trúi þið því að þið getið verið í toppbaráttu, trúi þið því að þið getið unnið topplið og mér finnst með þessari frammistöðu í dag að þeir hafi svarað þessum spurningum mjög vel.”

Viðtalið í heild sinni má sjá í sjónvarpinu hér að ofan.