Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 19. ágúst 2018 06:00
Guðmundur Aðalsteinn Ásgeirsson
Ungverjaland: Kjartan ekki enn byrjað deildarleik
Mynd: Fótbolti.net - Hafliði Breiðfjörð
Kjartan Henry Finnbogason lék síðustu 20 mínúturnar þegar Ferencvaros gerði jafntefli í ungversku deildinni í gærkvöldi.

Þetta var fyrsti leikurinn í deildinni sem Ferencvaros vinnur ekki. Ferencvaros komst yfir eftir tvær mínútur en andstæðingar þeirra, lið Paksi SE, jafnaði undir lok fyrri hálfleiks.

Kjartan kom inn á þegar 20 mínútur voru eftir en honum tókst ekki að hjálpa Fernecvaros að landa sigrinum.

Kjartan gekk í raðir Ferencvaros, sem er sigursælasta liðið í Ungverjalandi, í sumar. Hann kom til Ungverjalands frá Horsens í Danmörku. Kjartan sagði í viðtali viðtali við Fótbolta.net í apríl að toppnum væri náð hjá Horsens.

Kjartan hefur komið inn á sem varamaður í fjórum af fyrstu fimm deildarleikjum tímabilsins.

Ferencvaros er á toppi deildarinnar með 13 stig úr fimm leikjum.
Athugasemdir
banner
banner