Kylian Mbappe leikmaður PSG og franska landsliðsins neitaði að taka þátt í myndatöku á vegum landsliðsins í aðdraganda leikja í Þjóðadeildinni í vikunni.
Frakkland tekur á móti Austurríki á fimmtudaginn og Dannmörku á sunnudaginn. Frakkar eru án sigurs með tvö stig eftir fjóra leiki í Þjóðadeildinni.
Mbappe var kallaður í myndatöku á vegum landsliðsins en hann neitaði að taka þátt í henni. Hann hefur áður hafnað svipuðu boði en það er ekki vegna peninga eða þess háttar.
Málið er að hann vill stjórna því í hvað myndir af honum eru notaðar. Fyrr á árinu var hann boðinn í myndatöku í veðmála og skyndibitaauglýsingar sem hann kærði sig ekki um að vera tengdur við.
Allar auglýsingatekjur sem hann fær í tengslum við landsliðið fara í góðgerðarstarfsemi.
