Chelsea er nálægt því að ráða Christoph Freund sem nýjan yfirmann íþróttamála eftir að hafa náð samkomulagi við Red Bull Salzburg (Fabrizio Romano)

Það eru óvissutímar hjá Brendan Rodgers í landsleikjaglugganum en Leicester City skoðar það hvort rétt sé að skipta um stjóra. (Telegraph)

Thomas Frank segir að hann sé mjög ánægður hjá Brentford eftir að hafa verið orðaður við stjórastarfið hjá Leicester sem situr í neðsta sæti ensku úrvalsdeildarinnar. (Sky Sports)

Juventus var að horfa til Roberto de Zerbi ef Max Allegri yrði rekinn en De Zerbi hefur verið ráðinn til Brighton. (Times)

Áhugi Real Madrid á franska sóknarmanninum Kylian Mbappe (23) hefur minnkað og félagið mun ekki reyna aftur við þennan stjörnuleikmann PSG ef hann sýnir ekki sjálfur áhuga á að koma sjálfur. (Marca)

Barcelona íhugar að gera tilboð í ítalska miðjumaninn Jorginho (30) en samningur hans við Chelsea rennur út næsta sumar. (Mirror)

Franski varnarmaðurinn William Saliba (21) segist tilbúinn að skrifa undir nýjan samning við Arsenal ef félagið býður honum nýtt tilboð. (Sky Sprts)

Everton ræðir við Alex Iwobi (26) um nýjan samning en núgildandi samningur rennur út 2024. (Liverpool Echo)

Luis Campo ráðgjafi Parsi St-Germain segir að félagið hafi ekki keypt Ousmane Dembele (25) frá Barcelona í sumar vegna þess að leikmaðurinn passar ekki í leikkerfi liðsins. (RMC Sport)

Celtic hefur áhuga á ísraelska sóknarmiðjumanninum Oscar Gloukh (18) hjá Maccabi Tel Aviv. Félagið gæti gert 8 milljóna punda tilboð í janúar. (Record)

Callum Hudson-Odoi (21), vængmaður Chelsea, segir að eigandi félagsins Todd Boehly hafi sagt sér að hann ætti framtíð hjá Chelsea þrátt fyrir að hafa verið lánaður til Bayer Leverkusen. (Mail)

Marcel Brands, íþróttastjóri PSV Eindhoven, segir að hollenski vængmaðurinn Cody Gakpo (23) hafi átt erfiða byrjun á nýju tímabili eftir að hafa verið orðaður frá félaginu í sumar. Gakpo var meðal annars orðaður við Manchester United. (ED)

West Ham hefur haft áhuga á franska varnarmanninum Dan-Axel Zagadou (23) sem yfirgaf Borussia Dortmund í sumar en hann er að ganga í raðir Stuttgart. (Kicker)

Úrúgvæski varnarmaðurinn Ronald Araujo (23) hafnaði tilboðum frá nokkrum enskum úrvalsdeildarfélögum áður en hann skrifaði undir nýjan samning við Barcelona til 2026. (Sport)

Sean Dyche og Nathan Jones eru meðal þeirra sem eru orðaðir við Cardiff eftir að stjórinn Steve Morison var rekinn í gær. Cardiff City er í 18. sæti af 24 liðum Championship-deildarinnar. (Wales Online)