Neil Lennon hefur verið rekinn frá kýpverska liðinu Omonia nokkrum dögum eftir leikinn gegn Manchester United í Evrópudeildinni.
Liðin mættust á Old Trafford á fimmtudagskvöldið þar sem Scott McTominay var hetja United þegar hann skoraði eina mark leiksins í uppbótartíma. Francis Uzoho markvörður Omonia átti stórleik fyrir sitt lið.
Lennon sem er fyrrum stjóri Celtic stýrði Omonia aðeins í sjö mánuði en stjórnin segir að slakt gengi undanfarið sé ástæða bottrekstursins.
Omonia er í sjöunda sæti deildarinnar heima fyrir en Lennon stýrði liðinu til sigurs í bikarnum í maí síðastliðinn. Hann gerði samning út tímabllið 2023-24 í mars.
Athugasemdir
