„Við vildum stoppa taphrinuna og jafna þetta út með því að ná sigri. Því fór sem fór og við náðum bara jafnteflinu," sagði Hörður Björgvin Magnússon, varnarmaður íslenska landsliðsins, eftir 2-2 jafntefli gegn KAtar í kvld.
Lestu um leikinn: Katar 2 - 2 Ísland
Hörður fékk mikla gagnrýni eftir 2-0 tapið gegn Belgum á fimmtudag. Hörður var gagnrýndur fyrir sinn þátt í fyrra marki Belga en Eden Hazard átti þá sendingu sem opnaði vörnina.
„Ég veit hvað ég gerði rétt og hlusta ekki á þessa gagnrýni. Menn mega tjá sig um leikinn en ég veit betur hvað ég gerði rétt og ekki rétt. Ég var mjög jákvæður eftir mína frammistöðu. Við vorum að spila á móti klassaleikmönnum. Hazard sá smá glufu sem var á milli mín og Jóns Guðna en það hrósar enginn sendingunni."
„Ef þú hefðir staðið í minni stöðu þá hefðir þú aldrei séð þennan bolta. Boltinn kom rétt yfir Aron Einar og ég og Jón Guðni sjáum hann ekki. Þegar boltinn droppar svona hratt er erfitt að verjast þessu. Þetta var hægri bakvörðurinn sem slapp í gegn og hann var lengst í burtu þegar ég var að dekka kantmanninn sem var kominn inn. Ég var með annan mann. Auðvitað gat maður gert eitthvað betur en þetta fór svona."
Hér að ofan má sjá viðtalið í heild sinni.
Athugasemdir