Taylor er talinn launahæsti stéttarfélagsstarfsmaður í heiminum og fær rúmlega 2 milljónir punda í árslaun. Hann er fyrrverandi atvinnumaður í knattspyrnu og tók við starfi framkvæmdastjóra leikmannasambandsins ári eftir að hann lagði skóna á hilluna.

Það eru margir sem vilja reglubreytingar, þar sem búið er að skrifa bréf sem kallar eftir auknu gagnsæi og reglulegri kosningu um framkvæmdastjóra.

Yfir 300 manns hafa þegar skrifað undir bréfið en meðal þeirra eru menn á borð við Robbie Savage, Chris Sutton og Ian Wright. Bréfið hefur verið í dreifingu á snjallsímaforritinu WhatsApp.

Ben Purkiss, 34 ára bakvörður Walsall, er forseti leikmannasambandsins og hefur hann kallað eftir óháðri rannsókn á sambandinu.