Enska úrvalsdeildarfélagið Tottenham Hotspur er í viðræðum við Jose Mourinho um að taka við liðinu en Sky Sports hefur heimildir fyrir þessu.
Tottenham rak Mauricio Pochettino í kvöld eftir fimm og hálfs árs dvöl hjá félaginu.
Hann kom liðinu í úrslitaleik Meistaradeildarinnar á síðustu leiktíð en árangur í byrjun leiktíðarinnar hefur verið slakur og situr liðið í 14. sæti deildarinnar.
Samkvæmt heimildum Sky þá er Tottenham í viðræðum við Mourinho um að taka við liðinu.
Mourinho hefur verið án starfs síðan í desember en hann var þá rekinn frá Manchester United. Hann hefur verið að sinna störfum sem sparkspekingur fyrir Sky Sports og bein Sports .
Athugasemdir