Írska knattspyrnusambandið rannsakar nú myndband sem var sýnt leikmönnum írska landsliðsins fyrir viðureign gegn Englandi í vináttulandsleik á dögunum.
Írska sambandið gaf frá sér yfirlýsingu í kvöld en þar kemur fram að það sé verið að skoða myndefnið sem leikmenn fengu að sjá.
Myndbandið er talið hafa innihaldið niðrandi hluti um England en leiknum lauk með 3-0 sigri þess enska.
Að svo stöddu hefur innihald myndbandsins ekki fengið staðfest en meðlimir sambandsins funduðu um málið í kvöld.
Það andar yfirleitt köldu á milli þessara landsliða þegar þau mætast og er alls engin vinátta á milli leikmanna.
Nefna má leikmenn eins og Declan Rice og Jack Grealish sem spila með Englandi en þeir hófu landsliðsferilinn á Írlandi.
Athugasemdir