Heimild: Akureyri.net
Andrea Mist Pálsdóttir gekk í raðir Växjö fyrir tímabilið í Svíþjóð og skrifaði undir tveggja ára samning við félagið. Växjö féll úr efstu deild, endaði langneðst í deildinni og Andrea rifti samningi sínum við félagið.
„Mér þykir eiginlega ömurlegt að þurfa að rifta samningnum því mér finnst mjög gott að vera hérna, en næst efsta deild í Svíþjóð er bara ekki nógu góð,“ sagði Andrea við Akureyri.net í vikunni.
Það gerði enginn ráð fyrir því að Växjö myndi falla. Liðið varð í fimmta sæti sumarið áður og hér eru margir góðir leikmenn. Okkur gekk bara rosalega illa að skora.“
Andrea byrjaði tímabilið á bekknum en í sjöttu umferð komst hún í byrjunarliðið og var þar þangað til í sautjándu umferð. Växjö endaði með ellefu stig og skoraði liðið sjö mörk í 22 leikjum. Liðið endaði fimm stigum frá öruggu sæti. Tólf lið eru í deildinni en einungis efstu sex liðin fengu á sig færri mörk en Växjö.
Andrea veit á þessum tímapunkti ekki hvar hún spilar á næsta tímabili. „Ég get vel hugsað mér að spila áfram í Svíþjóð. Umboðsmaðurinn minn er að skoða eitthvað en svo getur vel verið að ég komi heim til Íslands og spili þar. Það kemur bara í ljós," sagði Andrea að lokum.
Andrea er 23 ára miðjumaður sem uppalin er hjá Þór/KA.
Viðtal við Andreu fyrir síðasta tímabil:
Upplifir drauminn um Svíþjóð - „Get ekki lýst þakklætinu með orðum"
Andrea: Palli Gísla minn segir alltaf 'maður lifir bara einu sinni'
Athugasemdir