Louis van Gaal, fyrrum stjóri Manchester United, reyndi að fá Thomas Muller til félagsins bæði 2014 og 2015 en hann lék þá með Bayern Munchen og gerir enn þann dag í dag.
Van Gaal vann með Muller hjá Bayern á sínum tíma og vildi mikið fá fyrrum lærisvein sinn til Englands en án árangurs.
Í fyrra skiptið var það ákvörðun Bayern en í það seinna þá var það eiginkona Muller sem neitaði að færa sig erlendis.
Van Gaal er í dag stjóri hollenska landsliðsins og fékk Bastian Schweinsteiger til Man Utd frá Bayern á hans tíma þar.
„Ég reyndi að fá Muller til Manchester bæði tímabilið 2014/2015 og ári seinna," sagði Van Gaal.
„Árið 2014 þá var stjórn Bayern Munchen mjög ákveðin. Í seinna skiptið þá var það eiginkona hans Lisa sem spilaði hlutverk í ákvörðuninni."
„Hún var ekki opin fyrir því að yfirgefa Þýskaland. Árið 2015 hefði þetta verið möguleiki ef eiginkona hans hefði verið opin fyrir því."
Athugasemdir
