mið 19. desember 2018 14:24
Elvar Geir Magnússon
Reiddust þegar Mourinho mætti í hettupeysu
Mynd: Getty Images
Í febrúar á þessu ári voru 60 ár liðin frá hinu skelfilega München flugslysi þar sem 23 af 44 farþegum létust en um borð var lið Manchester United.

Haldin var minningarathöfn á Old Trafford af því tilefni.

The Times greinir nú frá því að æðstu menn Manchester United hafi orðið reiðir vegna þess hvernig Jose Mourinho mætti klæddur á minningarathöfnina.

Enginn þorði þó að segja það við Mourinho en hann mætti í hettupeysu og í íþróttaskóm.

Mourinho var rekinn frá Manchester United í gær en liðið er ellefu stigum frá topp fjórum. Ole Gunnar Solskjær stýrir United út tímabilið.


Athugasemdir
banner
banner