Selma Dögg Björginvsdóttir er búin að skrifa undir nýjan tveggja ára samning við FH og mun því leika með liðinu í Inkasso-deildinni næsta sumar.
Selma Dögg er fædd 1997 og á 39 leiki að baki í Pepsi-deild kvenna en hún gekk í raðir FH frá Val fyrir þremur árum.
Selma er miðjumaður og á 49 leiki að baki fyrir FH en þeir væru eflaust fleiri ef hún hefði ekki spilað í háskólaboltanum í Bandaríkjunum.
„Það er okkur FH-ingum því mikið gleðiefni að Selma Dögg hafi ákveðið að halda áfram með FH á næsta tímabili því hún mun leika stórt hlutverk í liðinu og undirskrift hennar er mikilvægur liður í því FH nái markmiði sínu um að komast aftur upp í úrvalsdeild næsta sumar," segir í Facebook færslu frá FHingar.net.
Athugasemdir