Heimild: Vísir
Willum í bikarúrslitaleiknum gegn Stjörnunni.
Ítalska B-deildarfélagið Spezia hefur ekki gert nýtt tilboð í miðjumanninn unga Willum Þór Willumsson.
„Við áttum von á tilboði núna í desember en það hefur ekkert borist þannig það hefur ekkert gerst í þessu. Hann er bara leikmaður Breiðabliks í dag sem er frábært því Willum er frábær leikmaður," segir Eysteinn Pétur Lárusson, framkvæmdastjóri Breiðabliks, við Vísi.
Fótbolti.net valdi Willum efnilegasta leikmann Pepsi-deildarinnar í sumar en hann lék lykilhlutverk á miðju Blika sem höfnuðu í öðru sæti, bæði í Pepsi-deildinni og Mjólkurbikarnum.
Í nóvember hafnaði Breiðablik tveimur tilboðum frá Spezia í Willum. Sveinn Aron Guðjohnsen, fyrrum leikmaður Breiðabliks, er hjá Spezia.
Athugasemdir
