banner
   sun 20. janúar 2019 12:00
Guðmundur Aðalsteinn Ásgeirsson
Fagnaði 104 ára afmælinu á Anfield
Mynd: Getty Images
Bernard Sheridan verður 104 ára þann 25. janúar næstkomandi.

Bernard hefur verið stuðningsmaður Liverpool frá 1923 en félagið ákvað að gefa honum afmælisgjöf fyrir stuðninginn í öll þessi ár.

„Kæri Bernard, ég vil óska þér til hamingju með 104 ára afmælið," stóð í bréfi sem Bernard fékk frá Jurgen Klopp, stjóra Liverpool. „Ég vona að þú njótir með fjölskyldu og vinum. Takk fyrir að styðja Liverpool. Þú munt aldrei ganga einn."

Í tilefni af afmælinu bauð Liverpool Bernard á leikinn gegn Crystal Palace í gær.

Stuðningsmenn höfðu áhyggjur af honum enda var leikurinn mjög fjörugur og endaði hann 4-3. Það var allt í himnalagi með Bernard sem mætti á blaðamannafund Klopp eftir leikinn. Klopp fékk mynd með Bernard sem sjá má hér að neðan.



Athugasemdir
banner
banner
banner
banner
banner