Grótta fékk Selfoss í heimsókn í Fótbolta.net mótinu í dag og úr varð mikil markaveisla.

Sölvi Björnsson gerði tvennu fyrir Gróttu í fyrri hálfleik en flóðgáttirnar opnuðust ekki fyrr en eftir leikhlé.

Valtýr Már Michaelsson skoraði þá tvö mörk á sjö mínútum og bætti Kristófer Orri Pétursson tveimur við á næstu tíu mínútum.

Hinn 15 ára gamli Grímur Ingi Jakobsson kláraði dæmið fyrir Gróttu sem er með fullt hús stiga eftir 2-3 sigur gegn Kára í fyrstu umferð. Grótta er búið að vinna riðilinn og tryggja sér sæti í úrslitaleik B-deildarinnar.

Selfoss er með eitt stig eftir að hafa náð jafntefli við Hauka. Selfoss á útileik gegn Kára næsta laugardag á meðan Grótta heimsækir Hauka á föstudaginn.