banner
   sun 20. janúar 2019 14:30
Guðmundur Aðalsteinn Ásgeirsson
Guingamp: Betra að tapa einu sinni 9-0
Mynd: Getty Images
Guingamp tapaði 9-0 gegn Paris Saint-Germain í frönsku úrvalsdeildinni í gær.

Það er ekki á hverjum degi þar sem svona stórar tölur sjást í einni sterkustu deild Evrópu.

Edinson Cavani og Kylian Mbappe voru báðir með þrennu, Neymar skoraði tvö og Thomas Meunier var með eitt.

Þeir sem sjá um Twitter-reikning Guingamp tóku það jákvæða út úr þessum leik.

„Það er betra að tapa einu sinni 9-0 en að tapa níu sinnum 1-0," var skrifað á Twitter-reikning Guingamp eftir leikinn. Alltaf gott að sjá það jákvæða.

Hér að neðan er tístið, en Guingamp er á botni frönsku úrvalsdeildarinnar.



Athugasemdir
banner
banner
banner