Arsenal óttast að Hector Bellerin hafi skaddað liðband á vinstra hné í 2-0 sigri gegn Chelsea á laugardaginn.
Bellerin, sem er nýkominn aftur eftir meiðsli á kálfa, þurfti að fara af velli eftir 72 mínútur í erkifjendaslagnum.
Bellerin mun gangast undir rannsóknir á næstu dögum. Ef það kemur í ljós að hann hafi skaddað liðband verður hann frá út tímabilið, í versta falli gæti hann misst af byrjun næsta tímabils.
Stephan Lichtsteiner og Ainsley Maitland-Niles munu berjast um að leysa Bellerin af hólmi.
Athugasemdir