Atletico Madrid gekk í dag frá kaupum á Memphis Depay frá Barcelona. Barcelona greiðir þrjár milljónir evra fyrir Memphis sem semur fram á sumarið 2025.
Í samkomulagi félaganna kemur fram að Barcelona sé nú með forkaupsrétt á Yannick Carrasco, leikmanni Atletico.
Í samkomulagi félaganna kemur fram að Barcelona sé nú með forkaupsrétt á Yannick Carrasco, leikmanni Atletico.
Barcelona þarf ekki að nýta sér þennan kauprétt, en hlýtur að hafa áhuga á því fyrst þetta ákvæði var sett inn í kaupsamninginn þegar Atletico fékk Memphis.
Í spænskum fjölmiðlum er fjallað um að Barca geti fengið Carrasco á minna en 20 milljónir evra í sumar.
Samningur Belgans við Atletico rennur út sumarið 2024. Hann er vinstri kantmaður, eitthvað sem Barcelona vantar í sínar raðir. Leikmenn eins og Raphinha og Ousmane Dembele eru meira fyrir það að spila á hægri kantinum.
Carrasco er 29 ára gamall sem lék með Atletico á árunum 2015-18, þá fór hann til Kína en sneri aftur til Atletico árið 2020 frá Dalian Professional.
Athugasemdir
