Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   mið 20. febrúar 2019 18:17
Guðmundur Aðalsteinn Ásgeirsson
Elías hetjan gegn Roma - Varði tvær vítaspyrnur
Gleðin við völd.
Gleðin við völd.
Mynd: Midtjylland
Danska félagið Midtjylland er komið áfram í 16-liða úrslitin í Evrópukeppni unglingaliða og er það stórum hluta að þakka íslenska markverðinum Elíasi Rafni Ólafssyni.

Midtjylland mætti Roma og var staðan eftir venjulegan leiktíma 1-1. Því var griptið til vítaspyrnukeppni en þar varði Elías Rafn tvær vítaspyrnur.

Bæði lið skoruðu úr fyrstu tveimur spyrnum sínum en Elías varði næstu tvær vítaspyrnur leikmanna Roma. Á meðan nýtti Midtjylland allar sínar spynur. Lokatölur því 4-2 í vítaspyrnukeppninni og Elías Rafn hetjan.

Elías Rafn er 18 ára gamall, fæddur 2000. Hann er uppalinn hjá Breiðabliki.

Það er dregið í 16-liða úrslitin en Midtjylland gæti þar mætt stórliðum á borð við Liverpool, Manchester United, Barcelona og Real Madrid.


Athugasemdir
banner
banner
banner
banner