Varnarmaðurinn Tyias Browning var að taka frekar óvænt skref í fótboltanum. Hann var að yfirgefa Everton og semja við Guangzhou Evergrande í Kína.
Hinn 24 ára gamli Browning hefur verið hjá Guangzhou síðastliðinn mánuð, en félagaskiptin voru staðfest í dag.
Browning lék sinn fyrsta leik fyrir aðallið Everton gegn nágrönnunum í Liverpool 2014. Hann byrjaði sinn fyrsta leik fyrir Everton gegn rússneska félaginu Krasnodar í Evrópudeildinni það sama ár.
Browning samdi við Everton er hann var 10 ára gamall. Hann hefur ekki náð að vinna sér sæti í byrjunarliðinu og hefur undanfarin tímabil verið lánaður til Wigan, Preston og Sunderland.
Nú fer hann til Guangzhou Evergrande sem er eitt sterkasta félagið í Kína. Fabio Cannavaro er þjálfari liðsins.
Athugasemdir