Sölvi Geir Ottesen, varnarmaður Víkinga.
Varnarmaðurinn reynslumikli Sölvi Geir Ottesen verður með Víkingum í Pepsi Max-deildinni í sumar, þó honum sé ekki ætlað lykilhlutverk innan vallar.
Sölvi, sem er 37 ára, er að stíga upp úr meiðslum en hann fór í aðgerð í fyrra. Sölvi kom inn af bekknum þegar Víkingur mætti Keflavík í 8-liða úrslitum Lengjubikarsins.
Sölvi, sem er 37 ára, er að stíga upp úr meiðslum en hann fór í aðgerð í fyrra. Sölvi kom inn af bekknum þegar Víkingur mætti Keflavík í 8-liða úrslitum Lengjubikarsins.
„Hann kemur inn í stöðunni 3-1, fyrsti leikurinn hans í langan tíma. Þetta var fínn tímapunktur til að setja hann aðeins inn og leyfa honum að fá mínútur," segir Arnar Gunnlaugsson, þjálfari Víkinga.
Vangaveltur voru um hvort Sölvi myndi leggja skóna á hilluna en hann verður áfram í treyju Víkinga.
„Sölvi er mikill stríðsmaður og hefur nú sex vikur til að koma sér í þokkalegt stand. Ef við fáum eitthvað út úr honum í sumar er það bara góður bónus. Vonir standa til að hann verði til taks allavega þegar við þurfum á honum að halda."
Víkingur og Keflavík gerðu 3-3 jafntefli í 8-liða úrslitum Lengjubikarsins í gær en Keflvíkingar unnu svo í vítaspyrnukeppni.
Athugasemdir
