Kristófer Ingi Kristinsson fékk að spila síðasta hálftímann er Jong PSV mætti Jong AZ Alkmaar í hollensku B-deildinni í gær.
Heimamenn í PSV komust í tveggja marka forystu með tveimur mörkum undir lok fyrri hálfleiks og settu gestirnir frá Alkmaar mikla pressu á PSV í seinni hálfleik án þess að ná þó að skora.
Þess í stað tókst Kristóferi Inga að innsigla sigurinn með þriðja og síðasta marki leiksins. Kristófer er notaður sem varaskeifa í Hollandi og er þetta hans sjöunda mark á deildartímabilinu.
Jong PSV 3 - 0 Jong AZ
1-0 F. Fofana ('43)
2-0 M. Kjolo ('45, víti)
3-0 Kristófer Ingi Kristinsson ('80)
Elías Már Ómarsson var þá ekki í byrjunarliði Excelsior er liðið heimsótti toppbaráttulið Graafschap.
Heimamenn komust yfir snemma leiks en Excelsior náði að jafna.
Heimamenn voru betri stærsta hluta leiksins og óðu í færum en áttu í erfiðleikum með að skora.
Markavélin Elías Már fékk að spreyta sig síðustu 20 mínúturnar.
Excelsior er átta stigum frá umspilsbaráttunni um sæti í efstu deild.
Graafschap 1 - 1 Excelsior
1-0 D. Van Mieghem ('4)
1-1 J. Baas ('22)
Athugasemdir