Nýliðar Crotone og Spezia eiga heimaleiki í dag. Crotone tekur á móti Bologna á meðan Spezia fær Cagliari í heimsókn.

Crotone vermir botnsæti deildarinnar og þarf sigur í dag enda átta stigum frá öruggu sæti. Spezia gengur betur og er liðið fjórum stigum fyrir ofan fallsvæðið.

Cagliari er hins vegar óvænt í fallbaráttu og hægt að búast við hörkuslag þegar Spezia og Cagliari mætast.

Þar munu bæði lið leggja allt í sölurnar en sérstaklega Cagliari sem mun líta á þetta sem kjörið tækifæri til að rífa sig upp úr fallsvæðinu.

Leikir dagsins:
14:00 Crotone - Bologna
17:00 Spezia - Cagliari
19:45 Inter - Sassuolo FRESTAÐ vegna covid smita