Peter Lorimer, markahæsti leikmaður í sögu Leeds, er látinn eftir langvarandi veikindi.
Lorimer lést 74 ára gamall en hann gerði frábæra hluti á tíma sínum hjá Leeds frá 1962 til 1985, með nokkurra ára pásu inn á milli.
Lorimer var aðeins 15 ára og 289 daga gamall þegar hann spilaði sinn fyrsta leik fyrir Leeds og á hann enn í dag metið fyrir að vera yngsti leikmaður til að spila keppnisleik fyrir félagið.
Lorimer var sóknartengiliður og skoraði 238 mörk í 705 leikjum með Leeds, auk þess skora 4 mörk í 21 landsleik fyrir Skotland.
Hjá Leeds vann Lorimer allt sem hann gat unnið á Englandi og er hann eflaust ein stærsta goðsögn í sögu félagsins.
Athugasemdir