Fulham er í bullandi fallbaráttu og tók forystuna gegn Leeds en það nægði ekki þar sem Patrick Bamford og Raphinha skoruðu á fimm mínútna kafla í síðari hálfleik.

„Ég er vonsvikinn í kvöld. Við áttum ekki skilið að fá neitt úr þessum leik, betra liðið vann. Ég segi stundum eftir tapleiki að strákarnir hafi verið óheppnir þrátt fyrir góða frammistöðu en það er ekki raunin í dag," sagði Parker.

„Núna eigum við átta leiki eftir af deildartímabilinu og eru þeir átta úrslitaleikir. Við getum enn bjargað okkur á lokametrunum. Við verðum að vinna fótboltaleiki."