Stuðningsmenn Kölnar fylgja sínum mönnum gegn súrt og sætt. Undanfarið hefur það aðallega verið súrt.
Skemmtileg rannsókn framkvæmd af CIES Football Observatory segir að Borussia Dortmund fái flesta áhorfendur á leiki sína af öllum liðum heims.
Rannsóknin nær til áranna 2013-2018 og er Dortmund eina félagslið heims með yfir 80 þúsund áhorfendur á leik að meðaltali. Manchester United er í öðru sæti með rúmlega 75 þúsund áhorfendur.
Barcelona og Bayern fylgja skammt á eftir og svo kemur Real Madrid í fimmta sæti. Arsenal er í sjöunda sæti en aðeins tvö ensk lið komast á listann.
Þýsku félögin koma á óvart þar sem Schalke, HSV og Stuttgart eru öll með fleiri áhorfendur heldur en stærstu félög Evrópu. HSV leikur í B-deild á meðan Stuttgart er í fallbaráttu.
Englandsmeistarar Manchester City eru í tólfta sæti, Newcastle kemur í þrettánda og er Liverpool svo í 21. sæti. Rangers, Celtic og Köln eru meðal félaga sem laða fleiri áhorfendur að heldur en Liverpool.
Rannsóknin nær einnig til helstu deilda heimsknattspyrnunnar og þar eru niðurstöður sem koma skemmtilega á óvart. Þýska deildin er efst með rúmlega 43 þúsund áhorfendur á leik og kemur enska deildin í öðru sæti, með tæplega 37 þúsund áhorfendur.
Spænska deildin er í þriðja sæti og svo kemur sú mexíkóska í fjórða sæti. Það munar aðeins 1700 áhorfendum á spænsku deildinni og þeirri mexíkósku.
Ítalska deildin er í fmimta sæti, með aðeins 400 áhorfendum meira en sú kínverska. Franska deildin er í sjöunda sæti og svo kemur bandaríska MLS deildin, sú hollenska og B-deildin í Þýskalandi er í 10. sæti.
Athugasemdir