Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 20. apríl 2019 05:55
Ívan Guðjón Baldursson
Ísland í dag - Nágrannaslagir á Akureyri
Magni á erfiðan leik við KF þrátt fyrir að vera tveimur deildum ofar.
Magni á erfiðan leik við KF þrátt fyrir að vera tveimur deildum ofar.
Mynd: Fótbolti.net - Hafliði Breiðfjörð
Það eru fjórir leikir á dagskrá í Mjólkurbikarnum í dag en enginn þeirra fer fram á höfuðborgarsvæðinu.

Vestri mætir Kára á Olísvellinum, eða Torfnesvelli, á Ísafirði. Liðin leika saman í 2. deild og átti Vestri betra tímabil í fyrra. Ísfirðingar enduðu einu stigi frá því að komast upp í Inkasso en Kári gerði einnig gott mót og lauk keppni í 5. sæti, með 38 stig úr 22 leikjum.

Afar áhugaverður leikur er á dagskrá á sama tíma þegar KF mætir Magna á KA-velli. Leikurinn er skráður sem heimaleikur Fjallabyggðar og harma Grenvíkingar það ekki.

KF spilar í 3. deild og var hársbreidd frá því að komast upp í fyrra. Magni náði að halda sér uppi í Inkasso-deildinni á kostnað ÍR og Selfoss sem féllu niður. Það mátti því engu muna að þessi lið yrðu saman í 2. deild í ár.

Sameinað lið Hattar og Hugins fær Fjarðabyggð í heimsókn á Fellavöll. Höttur og Huginn féllu úr 2. deild í fyrra og sameinuðust í kjölfarið. Liðið leikur nú í þriðju deild en Fjarðabyggð er áfram í 2. deild. Liðið endaði um miðja deild í fyrra þrátt fyrir að tapa sex síðustu leikjum tímabilsins.

Þá er annar nágrannaslagur á dagskrá á Akureyri þegar Þór mætir Dalvík/Reyni í Boganum. Þórsarar enduðu í þriðja sæti Inkasso-deildarinnar í fyrra á meðan Dalvíkingar unnu 3. deildina.

Þá eru einnig æfingaleikir á dagskrá í Grindavík og á Akranesi. Fylkismenn heimsækja Grindvíkinga á meðan Blikar gera sér ferð á Skagann.

Mjólkurbikar karla
14:00 Vestri-Kári (Olísvöllurinn)
14:00 KF-Magni (KA-völlur)
14:00 Höttur/Huginn-Fjarðabyggð (Fellavöllur)
14:00 Þór-Dalvík/Reynir (Boginn)

Æfingaleikir:
Grindavík - Fylkir (Grindavíkurvöllur)
ÍA - Breiðablik (Akranes)
Athugasemdir
banner
banner
banner