lau 20. apríl 2019 17:20
Sigurður Eyjólfur Sigurjónsson
Mitrovic: Við eigum bestu stuðningsmenn í heimi
Mitrovic fagnar marki sínu í dag.
Mitrovic fagnar marki sínu í dag.
Mynd: Getty Images
Fulham sem er fallið úr ensku úrvalsdeildinni heimsótti Bournemouth í dag, niðurstaðan þar var 0-1 sigur Fulham sem er nú búið að vinna tvo leiki í röð.

Liðið er með 23 stig þegar 3 umferðir eru eftir. Aleksandar Mitrovic skoraði mark Fulham úr vítaspyrnu í upphafi seinni hálfleiks. Hann segir að stuðningsmenn félagsins eiga betra skilið.

„Þetta er magnað, eftir að við féllum fjölmenna stuðningsmennirnir þrátt fyrir það á völlinn. Við eigum bestu stuðningsmenn í heimi, við erum mjög þakklátir fyrir stuðninginn."

„Stuðningsmennirnir hafa verið frábærir á þessu tímabili og hafa átt betra skilið. Við munum halda áfram að berjast fyrir þá," sagði Mitrovic.

„Í dag sýndum við að við getum vel spilað í úrvalsdeildinni, auðvitað eru það mikil vonbrigði að hafa fallið niður um deild," sagði Mitrovic að lokum.
Athugasemdir
banner
banner
banner