Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 20. apríl 2020 08:00
Elvar Geir Magnússon
Dembele og Havertz á lista Man Utd - Juve vill Kane
Powerade
Kai Havertz.
Kai Havertz.
Mynd: Getty Images
Juventus vill Harry Kane.
Juventus vill Harry Kane.
Mynd: Getty Images
Kane, Bale, Sancho, Lacazette, Dembele, Havertz og fleiri í slúðurpakka dagsins. BBC tók saman.

Arsenal og Manchester United íhuga að gera tilboð í Ousmane Dembele (22), franska sóknarleikmanninn hjá Barcelona. (Sport)

Manchester United hefur bætt þýska miðjumanninum Kai Havertz (20) hjá Bayer Leverkusen við óskalista sinn. Havertz hefur lengi verið undir smásjá Liverpool. (Standard)

Juventus hefur ákveðið að einbeita sér að því að reyna að fá enska sóknarmanninn Harry Kane (26) frá Tottenham. Ítalska félagið ætlar að bæta við sóknarlínu sína. (Corriere dello Sport)

Real Madrid hefur dregið sig úr baráttunni um Harry Kane vegna fjárhagslegra afleiðinga kórónaveirunnar. (Mail)

Real Madrid íhugar að selja sex aðalliðsleikmenn, þar á meðal velska vængmanninn Gareth Bale (30) og kólumbíska sóknarmiðjumanninn James Rodriguez (28). (AS)

Paris St-Germain er að undirbúa nýtt samningstilboð fyrir brasilíska framherjann Neymar (28) til 2025. Neymar myndi þá fá 33 milljónir punda á ári. (Sport)

Arsenal gæti boðið franska sóknarmanninn Alexandre Lacazette (28) Atletico Madrid í tilraunum sínum til að fá miðjumanninn Thomas Partey (26). (Sun)

Arsenal hefur sent Valencia fyrirspurn um spænska vængmanninn Rodrigo Moreno (29). (Mirror)

Chelsea undirbýr 20 milljóna punda tilboð í þýska sóknarmanninn Luca Waldschmidt (23) hjá Freiburg. (Sun)

Olivier Giroud (33), sóknarmaður Chelsea og Frakklands, hefur náð munnlegu samkomulagi við Inter. (Tuttosport)

Inter er tilbúið að bjóða Everton 25 milljónir punda fyrir ítalska framherjann Moise Kean (20) sem ekki hefur fundið sig í enska boltanum. (Express)

Newcastle mun fá 200 milljónir punda til að eyða í nýja leikmenn ef eigendaskiptin sem liggja í loftinu eiga sér stað. (Mirror)

Joe Hart (33), markvörður Burnley, er á óskalistum Derby og Besiktas. (Sun)

Anderlecht mun líklega reka franska leikmanninn Samir Nasri (32), fyrrum leikmann Manchester City og Arsenal, en belgíska félagið hefur ekkert heyrt í leikmanninum síðan útgöngubann var sett á vegna heimsfaraldursins. (Derniere Huere)

Leeds gæti keypt varnarmanninn Ben White (22) frá Brighton á útsöluverði í sumar vegna fjárhagslegra afleiðinga kórónaveirunnar. White er hjá Leeds á lánssamningi. (Express)
Athugasemdir
banner
banner