Það fór einn leikur fram í 4. deild karla í dag og var hann í B-riðlinum. Björninn tók á móti Snæfelli á Fjölnisvelli.

Birninum er spáð efsta sæti riðilsins og Snæfelli spáð fimmta sæti. Snæfell missti mann af velli með rautt spjald í fyrri háflleik, en náðu að halda leiknum í 0-0 þrátt fyrir það.

Þegar stundarfjórðungur var eftir missti Björninn mann af velli með rautt spjald og jafnt í liðum. Þá komu mörkin. Snæfell komst yfir á 83. mínútu, en Björninn svaraði strax og jafnaði í 1-1.

Það reyndust lokatölur og byrja bæði lið því Íslandsmótið á einu stigi í kladdann.