Það er athyglisvert að rýna í umfjöllun spænska blaðsins ABC Fútbol um leikinn í gær.

Þar tekur Salvador Sostres, fjölmiðlamaðurinn sem skrifar greinina, fyrir nýja hárgreiðslu Lionel Messi, leikmanns Barcelona. Skrif hans um nýja hárgreiðslu Messi eru afar ósmekkleg.

„Ný hárgreiðsla gerir það að verkum að hann er eins og skiptinemi í Iowa (í Bandaríkjunum) sem endar á því að skjóta alla bekkjarfélaga sína," skrifar Sostres.

Eins og áður kemur fram, er þetta afar ósmekklegt. Skotárásir í skólum í Bandaríkjunum eru því miður alltof tíðar og ekkert til þess að vera að gera grín að.