Heimsmetabók Guinness er búin að staðfesta öll heimsmetin sem voru sett á heimsmeistaramótinu í Rússlandi í sumar.
Guinness staðfesti þar með heimsmet Íslands, sem er smæsta þjóð til að taka þátt í mótinu.
Cristiano Ronaldo varð elsti leikmaðurinn til að skora þrennu á HM þegar hann bjargaði sínum mönnum í 3-3 jafntefli gegn Spáni.
Mótið sjálft setti sjálfsmarkamet en það voru 12 sjálfsmörk skoruð í keppninni. Felipe Baloy, 37 ára leikmaður Panama, varð elsti leikmaðurinn til að skora í frumraun sinni á HM.
Essam El Hadary, 45 ára markvörður Egypta, varð þá elsti leikmaðurinn til að koma við sögu á HM. Hann varði vítaspyrnu í tapi gegn Sádí-Arabíu.
Athugasemdir
