Heimild: Mín skoðun
Ekki er alveg komið í ljós hversu alvarleg meiðslin sem Stefán Árni Geirsson varð fyrir séu. Þessi ungi leikmaður KR fór meiddur af velli í sigurleik gegn Fylki á sunnudag eftir að hann sneri sig á ökkla.
Rúnar Kristinsson, þjálfari KR, segir í samtali við Valtý Björn Valtýsson í Mín Skoðun að ljóst sé að Stefán verður ekki með í næstu leikjum liðsins.
„Þetta gæti tekið tíma því við erum að spila töluvert ört næstu vikurnar, það eru margir leikir á skömmum tíma og hann gæti misst af næstu vikum," segir Rúnar.
Eins og sjá má á myndinni hér að neðan var ökkli Stefáns stökkbólginn.
Rúnar Kristinsson, þjálfari KR, segir í samtali við Valtý Björn Valtýsson í Mín Skoðun að ljóst sé að Stefán verður ekki með í næstu leikjum liðsins.
„Þetta gæti tekið tíma því við erum að spila töluvert ört næstu vikurnar, það eru margir leikir á skömmum tíma og hann gæti misst af næstu vikum," segir Rúnar.
Eins og sjá má á myndinni hér að neðan var ökkli Stefáns stökkbólginn.
Bakvörðurinn reynslumikli Kristinn Jónsson fór einnig meiddur af velli í leiknum en meiðsli hans eru ekki eins slæm.
„Kristinn er skárri í dag en í gær. Það er óvíst með framhaldið hjá honum. Hann er tæpur fyrir miðvikudaginn og helgina líka. Við þurfum að sjá hvað sjúkraþjálfararnir segja."
Íslandsmeistarar KR tróna á toppi Pepsi Max-deildarinnar. Þeir mæta botnliði Fjölnis á miðvikudagskvöld í Grafarvogi og svo heimsækja þeir KA næsta sunnudag.
Athugasemdir