Ajer er 23 ára gamall og er miðjumaður að upplagi en hefur verið að spila í hjarta varnarinnar hjá Celtic.

Hann hefur síðustu ár verið orðaður við mörg af stærstu félögum Evrópu en er nú á leið í ensku úrvalsdeildina.

Brentford, sem kom sér upp í úrvalsdeildina fyrir tímabilið, hefur náð samkomulagi við Celtic um kaup á leikmanninum en Brentford greiðir 13,5 milljónir punda fyrir þjónustu hans.

Ajer stóðst læknisskoðun í dag og verður kynntur sem nýr leikmaður félagsins á næstu dögum.

Sænski landsliðsmaðurinn Carl Starfelt kemur til Celtic í stað Ajer en er á mála hjá Rubin Kazan í Rússlandi.