Sóknarmaðurinn Kolbeinn Sigþórsson er leikmaður umferðarinnar í sænsku úrvalsdeildinni.
Kolbeinn átti stórleik á sunnudag þegar lið hans, Gautaborg, vann sigur gegn Mjällby.
Hann hefur verið meiðslafrír á þessu tímabili og er að finna góðan takt með Gautaborg sem eru frábær tíðindi fyrir íslenska landsliðið.
Kolbeinn skoraði og jafnaði metin undir lok fyrri hálfleiks. Staðan var 1-1 í hálfleik. Snemma í seinni hálfleik átti Kolbeinn stoðsendinguna þegar Marcus Berg, sem spilaði með Svíþjóð á EM, kom Gautaborg í 2-1. Mjällby jafnaði metin en Gautaborg fór með 3-2 sigur af hólmi.
Gautaborg hefur núna unnið tvo leiki í röð og er í sjöunda sæti sænsku úrvalsdeildarinnar.
Discovery + valdi Kolbein leikmann umferðarinnar eins og sjá má hér að neðan.
Omgångens spelare hittar vi i @IFKGoteborg. Många av rubrikerna handlade såklart om Marcus Berg men hans strikerpartner Kolbeinn Sigthorsson stack ut. Med sin dominans i luftrummet är han ytterst svårstoppad och ett mål samt två assist gör anfallaren till omgångens spelare. pic.twitter.com/kNtihchXIA
— discovery+ sport 🇸🇪 (@dplus_sportSE) July 20, 2021
Athugasemdir