þri 20. júlí 2021 07:30
Brynjar Ingi Erluson
Sassuolo fær Dragusin frá Juventus - Locatelli í hina áttina
Manuel Locatelli er á leið til Juventus
Manuel Locatelli er á leið til Juventus
Mynd: EPA
Rúmenski varnarmaðurinn Radu Dragusin mun ganga til liðs við Sassuolo frá Juventus á næstu dögum. Manuel Locatelli er þá nálægt því að semja við Juventus.

Dragusin er 19 ára gamall miðvörður en hann spilaði fjóra leiki með aðalliði Juventus á síðustu leiktíð.

Juventus hefur verið í viðræðum við Sassuolo um kaup á ítalska miðjumanninum Manuel Locatelli og er hann nú nálægt því að ganga í raðir félagsins. Tuttusport og fleiri miðlar á Ítalíu greina frá þessu.

Stórliðið bauð Sassuolo að fá Dragusin í skiptum fyrir Locatelli en Juventus borgar um 30 milljónir evra á milli.

Locatelli var magnaður með Ítalíu á Evrópumótinu og átti stóran þátt í að liðið vann mótið í ár.
Athugasemdir
banner
banner